ნიკორამ რჩეული მოთხრობის ავტორი დააჯილდოვა

22 მაი. 2010

20 მაისს, ფილარმონიის დიდი საკონცერტო დარბაზის ჰოლში, წიგნის ფესტივალის ფარგლებში, წლის საუკეთესო მოთხრობების ავტორების დაჯილდოების ცერემონიალი გაიმართა.  

"15 საუკეთესო ქართული მოთხრობა" არის 2009-2010 წწ. გამოქვეყნებული საუკეთესო მოთხრობების კრებული და მასში შეტანილი ყოველი ნაწარმოები ამავდროულად არის ნომინანტი პრემიისა "წლის საუკეთესო მოთხრობა".  

ბაკურ სულაკაურის გამომცემლობის დაწესებული პირველი, მეორე და მესამე პრემიების გარდა, საუკეთესო მოთხრობების ავტორები სხვადასხვა კომპანიებმაც დააჯილდოვეს. "ნიკორამ" ცერემონიალში უკვე მეორედ მიიღო მონაწილეობა და რჩეული მოთხრობის ავტორს - გურამ მეგრელიშვილს - მოთხრობისათვის, "ჯვარცმობანა" სპეციალური პრიზი გადასცა.