ხორცპროდუქტების წარმოება "ნიკორას" ჰოლდინგის პირველი და ერთ-ერთი ყველაზე წარმატებული მიმართულებაა. კვების პროდუქტების პირველმა ორგანიზებულმა, თანამედროვე სტანდარტების შესაბამისმა საწარმომ ქვეყანაში ზოგადად ხორცპროდუქტების წარმოების მიმართულების განვითარებას ჩაუყარა საფუძველი და ბაზარზე სხვა ბიზნეს-კომპანიებისთვის გზამკვლევის ფუნქცია შეასრულა. "ნიკორა" ხორცპროდუქტების ბაზრის 35%-იანი წილით უკვე 25 წელია მყარად ინარჩუნებს ლიდერის პოზიციას.
სხვადასხვა სახეობის სოსისები თუ სარდელები, მოხარშული, შებოლილი, ნედლად შებოლილი ძეხვეული და შაშხების მრალვალფეროვანი ასორტიმენტი დღეს, ქართველი მომხმარებლის საყვარელი პროდუქტია. "ნიკორას" პოპულარობას წარმოებაში არსებული თანამედროვე ინფრასტრუქტურა, ჯანმრთელი - ეკოლოგიურად სუფთა პროდუქტი, გამოცდილი და პროფესიულად მუდმივად მზარდი კადრები, მომხმარებელთან პერმანენტული დიალოგის რეჟიმი და რაღა თქმა უნდა, ქართულ გემოვნებაზე მაქსიმალურად მორგებული რეცეპტურა განსაზღვრავს.
"ნიკორამ" სხვადასხვა დროს, სხვადასხვა კატეგორიის პროდუქციის დამზადება პირველმა წამოიწყო საქართველოში და დიდი ხნის მანძილზე მათი ექსკლუზიური მწარმოებელიც გახლდათ. მაგალითად, "კაიზერის" ხაზის ნედლად შებოლილი ძეხვეული, რომელიც მსოფლიოში დელიკატესადაა აღიარებული და რომლის მაღალ დონეზე წარმოება დიდ პროფესიონალიზმსა და გამოცდილებას მოითხოვს.
"ნიკორას" პროდუქცია:
"ნიკორამ" წარმოება კლასიკად ქცეული სოსისების - "რძიანისა" და "ივერიას" დამზადებით დაიწყო და დღეს, ყველაზე პრეტენზიული მომხმარებლის გემოვნებასაც კი აკმაყოფილებს.
ასორტიმენტშია:
✔ 20-მდე სახეობის სოსისი და სარდელი
✔ 25-ზე მეტი დასახელების მოხარშული და შებოლილი ძეხვეული
✔ 15-მდე სახის ნედლად შებოლილი დელიკატესი
✔ 20-მდე სახეობის შაშხი
ხორცპროდუქტების საწარმოები:
"ნიკორას" პროდუქცია თბილისსა და ფოთში - ცენტრალურ და რეგიონალურ საწარმოებში მზადდება, რომელთა წარმადობა, საერთო ჯამში, ყოველდღიურად, 60 ტონას აჭარბებს.
წარმოების პროცესი მსოფლიოში ცნობილი სამრეწველო ბრენდების - "ლასკას" (ავსტრია), "ჰანტმანის", "ფემაგის", "მულტივაკისა" და "პოლიკლიპის" (გერმანია) თანამედროვე დანადგარებით მიმდინარეობს. კომპანია მუდმივად საქმის კურსშია მსოფლიოში მიმდინარე ტექნოლოგიური სიახლეებისა და რეგულარულად ანახლებს მანქანა-დანადგარებს.
"ნიკორა" ერთ-ერთი პირველია ქართული კვების პროდუქტების მწარმოებელ კომპანიებს შორის, ვინც მრავალი წელია ფლობს ISO 9001 : 2015 და ISO 22000 : 2018 სერტიფიკატებს და დანერგილი აქვს НАССР სისტემა.
შპს "ნიკორა“: 400132183
ქ. თბილისი, ალექსანდრე მრევლიშვილის ქ.#2
"ნიკორას" ხორცპროდუქტების წარმოების მისია და მიზანი, ისევე როგორც ზოგადად, კომპანიის ჰოლდინგში შემავალი ბრენდებისა, გახლავთ შემდეგი:
მისია:
✔ უმაღლესი ხარისხის პროდუქციის შექმნა, რომელიც საზოგადოებისთვის იქნება ორიენტირი კვების მრეწველობის დარგში.
მიზანი:
✔ უმაღლესი ხარისხის კვების პროდუქტების წარმოება
✔ მომსახურების მაქსიმალურად კომფორტული პირობების შექმნა
✔ ურთიერთგაგებისა და ურთიერთინტერესების გათვალისწინებით მოქმედება, რათა კომპანიისა და მომხმარებლის, ურთიერთობა იყოს ღირსეული და სანიმუშო.
სს "ნიკორა" ერთ-ერთია იმ მცირერიცხოვანი ქართული კვების პროდუქტების მწარმოებელ კომპანიებს შორის, რომელსაც მრავალი წელია დანერგილი აქვს საერთაშორისო ISO 9001: 2000 და НАССР სტანდარტები და ზედმიწევნით იცავს მას - როგორც კომპანიის სანდოობის, მაღალი ხარისხის პროდუქციის წარმოების, ასევე ეფექტური მართვის სისტემების მიმართულებით. ამას ემატება ის ფაქტორიც, რომ თანამედროვე ტექნოლოგიების შემოტანა-დანერგვის საკითხში "ნიკორა" მუდამ პირველი გახლავთ, რაც მზა პროდუქციის ხარისხის კიდევ ერთი მნიშვნელოვანი გარანტია.
"ნიკორას" ჰოლდინგში შემავალი კომპანიები წარმოებაში იყენებენ, როგორც ადგილობრივ პროდუქტს, ასევე იმპორტირებულ ნედლეულს. ორივე შემთხვევაში კომპანია თანამშრომლობს მხოლოდ იმ მომწოდებლებთან, რომელთა პროდუქტი დამოწმებულია ლაბორატორიულად და ფლობს საერთაშორისო სტანდარტების შესაბამისობის დამადასტურებელ სერთიფიკატებს.
სს "ნიკორასა" და მისი შვილობილი კომპანიების პარტნიორებს შორის არიან მსოფლიოს ავტორიტეტული ქარხნები, რეგიონებიდან საიდანაც მსოფლიოს ყველაზე განვითარებულ ქვეყნებშიც კი ნებადართულია პროდუქტის შეტანა. აღნიშნული წარმოებები ამარაგებენ აშშ-სა და ევროპის ბაზარს.
ნედლეულის ტრანსპორტირებას უზრუნველყოფენ საერთაშორისო მასშტაბის გადამზიდი კომპანიები, როგორიცაა MAERSK LINE, MSC და სხვა, რაც მყარი გარანტიაა იმისა, რომ პროდუქტის გადაზიდვა სტანდარტების სრული დაცვით მოხდეს. შემოტანილ ნედლეულს ადგილზე კიდევ ერთხელ ამოწმებს საქართველოს ვეტერინარული სამსახური, რის შედეგედაც ხდება იმპორტის ნებართვის მიღება.
ნიმუშების აღება ხდება მზა პროდუქციის აბსოლუტურად ყველა პარტიიდან, ვიდრე ის სარეალიზაციოდ ქსელში გავა. ამისათვის კომპანიაში სპეციალური მიკრობიოლოგიური ლაბორატორია მოქმედებს, რომელიც აღნიშნული პროცესის კონტროლს უზრუნველყობს.
"ნიკორასა" და "მზარეულის" პროდუქცია:
მსხვილი ფერმერული მეურნეობების არარსებობის პირობებში "ნიკორას" ხორცპროდუქტების წარმოებისთვის ნედლეულის იმპორტი შემდეგი ქვეყნებიდან ხორციელდება: იტალია, გერმანია, საფრანგეთი, ესპანეთი, ნიდერლანდების სამეფო, უნგრეთი, ავსტრია, დანია, ბრაზილია, კანადა, აშშ.
ადგილობრივი წარმოების ნედლეულით ხდება ბრენდი "მზარეულის" ნახევარფაბრიკატების დიდი ნაწილის დამზადება.
"ოკეანე":
თევზეულის წარმოების უზრუნველსაყოფად ნედლეულის იმპორტი შემდეგი ქვეყნებიდან ხდება: ნორვეგია, აშშ, ესპანეთი, არგენტინა. ამას გარდა, "ნიკორა" ოზურგეთის რაიონში, სოფელ ვაკიჯვარში ფლობს მეურნეობას, რომელიც "ოკეანეს" წარმოებას კალმახითა და ხიზილალით ამარაგებს.
"პანე":
"პანეს" პარტნიორებს შორის ავსტრიის, ბელგიის, ჰოლანდიის, თურქეთისა და რუსეთის ავტორიტეტული კომპანიები არიან.
"დღის პროდუქტები" და "პალომა":
"ნიკორას" რძის პროდუქტებისა და ნაყინის წარმოებაში ირლანდიური, დანიური, ჰოლანდიური, ავსტრიული, შვედური და ბრაზილიური ნედლეული გამოიყენება. ნედლეულის ხარისხი მნიშვნელოვნად განსაზღვრავს მზა პროდუქტის საგემოვნო თვისებებს.
