ევროპის დამოუკიდებელი კინოს ფესტივალი 2011

10 ოქტ. 2011

"ნიკორას" ფინანსური მხარდაჭერით, საქართველოში "ევროპის დამოუკიდებელი კინოს ფესტივალი 2011"-ის გამარჯვებული ფილმების ჩვენება გაიმართა. ფესტივალი კინოთეატრ "ამირანში" 7-9 ოქტომბრის ჩათვლით ჩატარდა და მის ფარგლებში, მაყურებელს საშუალება ჰქონდა ევროპის 14 სხვადასხვა ქვეყნიდან 19 საუკეთესო მხატვრული, დოკუმენტური, მოკლემეტრაჟიანი, ანიმაციური თუ ექსპერიმენტული  ფილმი ენახა.

"მოხარულები ვართ, რომ ჩვენს ფილმებს საქართველოს წარვუდგენთ და მოუთმენლად ველით უფრო მეტ კინოხელოვანთან შეხვედრას, ქვეყნიდან სადაც ასე სწრაფად და აქტიურად ვითარდება კინოკულტურა", - განაცხადა სკოტ ჰილიერმა, კინოფესტივალის პრეზიდენტმა.