პირველ რიგში, ბრინჯი კარგად უნდა გარეცხოთ. გაავლეთ იქამდე, სანამ წყალი მთლიანად გამჭვირვალე არ გახდება. ბრინჯს პუდრი მთლიანად უნდა მოცილდეს.
შემდეგ, დაასხით ბრინჯს ცივი წყალი, პროპორციით 1:1-ზე. ანუ, თუ გაქვთ 2 ჭიქა ბრინჯი, დაასხით 2 ჭიქა წყალი.
ბრინჯი მიიყვანეთ ადუღებამდე, შემდეგ, დაახურეთ ქვაბს თავსახური და ხარშეთ ძლიერ ცეცხლზე 1 წთ. შემდეგ, დაუწიეთ ცეცხლს და ხარშეთ ბრინჯი 15-20 წუთის განმავლობაში, სანამ წყალი მთლიანად არ ამოშრება.
გადმოდგით ქვაბი ცეცხლიდან, არ ახადოთ თავსახური, გააჩერეთ ასე 10 წთ.
ამავდროულად, სანამ ბრინჯი გრილდება, მოამზადეთ ნაზავი ბრინჯის შესაკმაზად. ამისათვის, 2 ს/კ. იაპონურ ძმარში გახსენით 1, 5 ს/კ. შაქარი და 2 ჩ/კ. მარილი.
ბრინჯი გადაიტანეთ ღრმა ფართო ჭურჭელში და ყურადღება! - არავითარ შემთხვევაში არ ამოურიოთ! დაუმატეთ მომზადებული ნაზავი ბრინჯს, გადაანაწილეთ თანაბრად, ფრთხილად ამოურიეთ ბრინჯს სწრაფი მოძრაობით, ხის ნიჩბის დახმარებით. წინააღმდეგ შემთხვევაში, ბრინჯი შეიძლება ფაფად გადაიქცეს.
დააცადეთ ბრინჯს გაგრილება, რომ მისი აღებისას ხელები არ დაიწვათ.
მაკიტა დადეთ მაგიდაზე, დააფინეთ პოლიეთილენის პარკი. ზემოდან დაადეთ ნორის ფურცელი. ნორის ჰორიზონტალური ხაზები უნდა იყოს მაკიტის ზოლების პარალელურად. თუ ნორი ძალიან მშრალი და მსხვრევადია, არ შეგეშინდეთ. ბრინჯი მას დაარბილებს და იდეალურად შეახვევთ.
ხელები დაისველეთ წყლით ყოველ ჯერზე, როდესაც ბრინჯს ამოიღებთ, რომ ხელზე არ მიგეკროთ. თანაბრად გადაანაწილეთ ბრინჯი ნორის ფურცელზე. კიდეებში დატოვეთ 0,5 – 1 სმ. ადგილი იმისთვის, რომ დახვევისას, ბრინჯმა არ შეუშალოს ხელი ნორის დაფიქსირებას.
ძალიან თხელ ფენად, ერთ ხაზზე წაუსვით ვასაბის პასტა. ის ძალიან ცხარეა, ამიტომ ფრთხილად იყავით.
თუ გექნებათ კრემ ყველი, ერთ ზოლად გადაანაწილეტ ბრინჯის ფენაზე.
ორაგული და კიტრი დაჭერით გრძელ ნაჭრებად (ზოლებად). დადეთ ბრინჯზე ერთ-ერთ კიდესთან ახლოს. თუ ავოკადო გაქვთ, ისიც თხელ ზოლებად დაჭერით. დაიწყეთ როლის დახვევა, მაკიტის დახმარებით. ეცადეთ, მჭიდროდ გადაახვიოთ.
თქვენ მიიღებთ გრძელ რულეტებს, რომელიც წყალში დასველებული, ძალიან ბასრი დანით უნდა დაჭრათ. წესით, ნორის ერთი ფურცლიდან, 6-7 ნაჭერი უნდა გამოგივიდეთ.
სოიოს სოუსი ჩაასხით ღრმა პატარა თასში და ჩააწეთ შიგნით როლები, ნორის ფურცლის მხრიდან. სოიოს სოუსში ასევე შეგიძლიათ დაამატოთ ცოტაოდენი ვასაბი. მეტი პიკანტურობისთვის.
