ინგრედიენტები ბლინისთვის:
- მაწონი - 100 მლ
- კვერცხი - 3 ცალი
- შაქარი - 3 ს/კ
- ფქვილი - 1.5 ჭიქა
- რძე - 1.5 ჭიქა
- ზეთი - 4 ს/კ
- სოდა - 1/2 ჩ/კ
- ვანილი
- მწიკვი მარილი
ინგრედიენტები კრემისთვის:
- ხაჭო 18 % - 500 გ
- არაჟანი - 400 მლ
- შაქარი - 8-10 ს/კ
- კივი - 2 ცალი
- ჟელატინი - 40 გ
გასაფორმებლად:
- ვაშლი - 2 ცალი
- შაქარი - 3 ს/კ
- შოკოლადის ფილა - 50 გ
- ნიგოზი - 70 გ
- კარაქი - 50 გ
მომზადების წესი:
1.
შაქარი, ვანილი, ფქვილი, მარილი და სოდა აურიეთ ერთმანეთში. ფქვილიან მასას დაუმატეთ კვერცხი. შემდეგ დაუმატეთ მაწონი, რძე და კარგად აურიეთ.
2.
მიღებული ცომისგან ცხიმწასმულ ტაფაზე გამოაცხვეთ ბლინები. თითოეული გამომცხვარი ბლინის ფენას წაუსვით კარაქი, რომ უფრო ფაფუკი იყოს.
3.
მრგვალი თასის ძირსა და გვერდებზე მოათავსეთ ბლინები ისე, რომ თასი მთლიანად დაიფაროს და გვერდებზეც გადმოვიდეს. ბოლოს ბლინის ერთი ფენა დააფინეთ ფორმის ძირზე.
4.
40 გ ჟელატინი გახსენით 50 მლ ცივ წყალში და გააჩერეთ 15-20 წუთით. ჟელატინიანი თასი მოათავსეთ ცხელ წყალში და გააჩერეთ, სანამ ჟელატინი ბოლომდე არ გაიხსნება.
5.
ხაჭო, არაჟანი და შაქარი აურიეთ ერთმანეთში. დაუმატეთ გახსნილი ჟელატინი და კარგად აურიეთ.
6.
კივი გათალეთ და დაჭერით ოთხკუთხედ ნაჭრებად. კივის მაგივრად შეგიძლიათ გამოიყენოთ თქვენთვის სასურველი ხილი. დაჭრილი კივი შეურიეთ ხაჭოს კრემს.
7.
ხაჭოს კრემი გადაიტანეთ ბლინებიან თასში და შედგით მაცივარში. როცა ზედაპირი გამაგრდება, თასის გვერდებზე გადასული ბლინები გადმოსწიეთ შიგნით, ზემოდან დააფარეთ ბლინის ერთი ფენა და მჭიდროდ გადააკარით კულინარიული პარკი. შედგით მაცივარში და გააჩერეთ 4-6 საათი ან მთელი ღამე.
ჩიზქეიქი გამოიღეთ მაცივრიდან, მოხსენით კულინარიული პარკი და გადმოაპირქვავეთ განიერ თეფშზე.
8.
ოთხკუთხედ ნაჭრებად დაჭრილი ვაშლი და ნიგოზი, შაქარსა და კარაქთან ერთად მოათავსეთ ტაფაზე და დაბალ ცეცხლზე დადგით. დაჭრილი ინგრედიენტები მოშუშეთ, სანამ ოქროსფერს არ მიიღებს.
9.
მოშუშული ვაშლი და ნიგოზი ზემოდან მოაყარეთ ჩიზქეიქს. სუფრაზე მიტანისას ჩიზქეიქს მოაყარეთ გახეხილი შოკოლადი ან მოასხით მინანქარი.
