ნიკორა დაცული შეფუთვით წარმოდგენილი პროდუქციის ასორტიმენტს ზრდის

27 ოქტ. 2020

"ნიკორამ“ დაცული შეფუთვით კიდევ 4 ყველასათვის საყვარელი ხორცპროდუქტი წარუდგინა მომხმარებელს.

"სალიამი“, "სერველატი“, "შეიკა“ და "ჩალაღაჯი“ – უკვე სასუფრედ დაჭრილი და დაფასოებული სპეციალურ დაცულ შეფუთვაში შეგიძლიათ შეიძინოთ.

მსოფლიო პანდემიიდან გამომდინარე, შეფუთული პროდუქციის წარმოება, პროდუქციის დაცულობა განსაკუთრებით მნიშვნელოვანი და აქტუალურია.

რატომ შეფუთული? დაცულ შეფუთვაში დაჭრილ, დაფასოებულ პროდუქტს არაერთი უპირატესობა აქვს. მათ შორის: პროდუქტი საწარმოდან დახლამდე და დახლიდან სახლებში ისე გადის გზას, რომ დაცულია ადამიანის ხელის შეხებისგან. მარკეტში პროდუქტის აწონვისა და დაჭრისთვის, არ გიწევთ რიგში დგომა. შეფუთული პროდუქტი არაჩვეულებრივად ინარჩუნებს საგემოვნო თვისებებს. თქვენს მაცივარში, მასზე სხვა საკვები პროდუქტის გემოვნური ზემოქმედება შემცირებულია.

დაცული შეფუთვა არის ევროპული სტანდარტი, რომლის დანერგვაც "ნიკორამ“ ჯერ კიდევ 2008 წელს დაიწყო და აქტიურად განაახლა 2018 წელს. მას შემდეგ დაცულ შეფუთვაზე გადასვლის პროცესი აქტიურად მიმდინარეობს და "ნიკორა“ სულ უფრო მეტ პროდუქტს სთავაზობს მომხმარებელს ამ ფორმით.