ნიკორა ლიდერ კომპანიად დასახელდა

27 დეკ. 2013

ნომინაციაში "ლიდერი კომპანია" ქართული ბრენდების დაჯილდოვების ცერემონიალზე სს "ნიკორა" ერთ-ერთ გამარჯვებულად დაასახელეს.

"ქართული ბრენდის დღე 2013" სასტუმრო "შერატონ მეტეხი პალასში" 26 დეკემბერს გაიმართა და მისი მთავარი მიზანი შიდა და გარე ბაზარზე ქართული ბრენდების პოპულარიზაცია და ქართულ ბიზნესში მიმდინარე პოზიტიური პროცესების მხარდაჭერა გახლავთ. 

ღონისძიება, რომელსაც საფუძველი 2003 წელს ჩაეყარა, წელს მეთერთმეტეჯერ გაიმართა და მისი ორგანიზატორი საზოგადოებასთან ურთიერთობის სააგენტო "პროფილი" გახლდათ.
აღსანიშნავია, რომ სს "ნიკორა" არაერთხელ გამხდარა "ქართული ბრენდის დღის" გამარჯვებული.