როგორც ავღნიშნეთ, პილატესის ვარჯიში შეიძლება ჩატარდეს, როგორც შესაბამისი აღჭურვილობის გამოყენებით ასევე მის გარეშე. როდესაც პილატესის ვარჯიშის დროს გამოყენებულ აღჭურვილობაზე ვსაუბრობთ უნდა ვახსენოთ პილატესის ხალიჩა და პილატეს - რეფორმერი. პილატესის ხალიჩა ოდნავ უფრო სქელია, ვიდრე ჩვეულებრივი იოგას ხალიჩა და ვარჯიშის დროს საჭიროა რბილი ბალიშები. პილატეს - რეფორმერი სრულდება განსაკუთრებულ ტრენაჟორზე, რომლის ზედაპირი არასტაბილურია და წონასწორობის შესანარჩუნებლად მუდმივი ძალისხმევაა საჭირო. პილატესის ორივე სახეობა კომპლექსურად მუშაობს მთელს სხეულზე, ამაღლებს კუნთების ტონუსს, მოძრაობებს პლასტიურს ხდის.
გაკვეთილები დამწყებთათვის
მათ, ვინც გადაწყვეტს პილატესით დაკავდეს, პირველი ნაბიჯები დაკავშირებულია სუნთქვით და ასევე, Roll-up-სავარჯიშოებთან, რომელიც მიზნად ისახავს სუნთქვის კონტროლს, ხერხემლის დატვირთვას, რაც თავისთავად მუცლის და ზურგის კუნთების გაძლიერებას უწყობს ხელს.
დღეისთვის, პილატესის 500 მეტი სხვადასხვა ვარჯიში არსებობს. ვარჯიშის დაწყების მსურველებმა უნდა გაითვალისწინონ სამი ძირითადი პრინციპი: აუცილებელია რეგულარული ვარჯიში (თუ ჯგუფურ ვარჯიშს გადაწყვეტთ, თავიდანვე უნდა შეარჩიოთ ისეთი აუდიტორია, რომელიც თქვენი მომზადების დონეს შეესაბამება და ნელ-ნელა გაზარდოთ თქვენი დატვირთვა). არ არის რეკომენდირებული ყოველდღიური ვარჯიში პილატესით. საწყის ეტაპზე რეკომენდირებული სიხშირე კვირაში 2-3-ჯერ ვარჯიშია. მეორე ეს არის, რომ ვარჯიშის შედეგების დადგომას გარკვეული დრო სჭირდება, 10 ვარჯიშის შემდეგ შეძლებთ სხვაობის დანახვას. კუნთები უფრო ელასტიური და „მართვადი“ გახდება. და მესამე, აუცილებელია სავარჯიშოების ზუსტად შესრულებაა.
სწორად შერჩეული ტანსაცმელი
სწორად შერჩეული ტანსაცმელი თავს უფრო კომფორტულად გაგრძნობინებთ. მიუხედავად იმისა, რომ ვარჯიშის დროს შეიძლება გირჩევნიათ ფართო ტანსაცმლის ტარება, თუ დარბაზში გადაწყვეტთ ვარჯიშს, სასურველია ჩაიცვათ ტანზე მომდგარი ტანსაცმელი, რათა ინსტრუქტორმა შეძლოს თქვენი ყველა მოძრაობის დანახვა. რაც შეეხება ფეხსაცმელს, ამასთან დაკავშირებით ყველა სტუდიას თავისი პროტოკოლი აქვს, თქვენ შეგიძლიათ ჩაიცვათ, როგორც წინდა ასევე ივარჯიშოთ ფეხშიშველმა.
კუნთის ტკივილი
როდესაც საქმე პილატესის ვარჯიშს ეხება, კუნთების ზომიერი ტკივილი ნორმალურია, მაგრამ თუ ადგილი აქვს შედარებით ძლიერ ტკივილს ეს იმის მანიშნებელია, რომ კუნთები რამდენიმე დღიან დასვენებას საჭიროებს ძალების აღსადგენად. კუნთების პროდუქტიული აღდგენის უმოკლესი გზა არის ცილაზე დაფუძნებული დიეტა და აქტიური, ხანგრძლივი ფეხით სიარული.
