Ჩვენი ჯანმრთელობისთვის ვარჯიში და ყოველდღიური ფიზიკური აქტივობა აუცილებელი ფაქტორია. Მაგრამ იმისთვის რომ თავი კარგად ვიგრძნოთ, ვიყოთ ენერგიულები და პროდუქტიულები მხოლოდ ფიზიკური აქტივობა საკმარისი არ არის და საჭიროა სხვა მნიშვნელოვან რაღაცეებსაც მივაქციოთ ყურადღება.
ერთ-ერთი ყველაზე მნიშვნელოვანი საკვების სწორად შერჩევაა.
Ჩვენი ენერგიის მთავარი წყარო ის საკვებია, რასაც დღის განმავლობაში ვიღებთ. Სწორად შერჩეული საკვები გევხმარება სხეულის ცხიმის შემცირებაში, ამცირებს სხვადასხვა დაავადების რისკს, გვაძლევს მეტ ენერგიას, გვეხმარება ზოგადი ფიზიკური მდგომარეობის გაუმჯობესებაში.
იმისთვის რომ ორგანიზმა შეასრულოს ყველა მისთვის დაკისრებული მოვალეობა, საჭიროა დღის განმავლობაში მივაწოდოთ საჭირო რაოდენობის მიკრო და მაკრო ნივთიერებები (ცილები, ცხიმები, ნახშირწყლები, ვიტამინები და მინერალები) გრძელვადიან პერსპექტივაში, არ შეიძლება არცერთი ზემოთ ჩამოთვლილი ნივთიერების რაციონიდან სრულად ამოღება.
იმის გარდა რომ აუცილებელია მივაქციოთ ყურადღება რას ვჭამთ, ასევე მნიშვნელოვანია მივაქციოთ ყურადღება რამდენს ვჭამთ.
ადამიანი ნებისმიერი მოქმედების დროს იყენებს კალორიებს (ერთი კილოკალორია არის სითბოს ის რაოდენობა, რომელიც საჭიროა 1 ლიტრი წყლის გასაცხელებლად 1 გრადუსი ცელსიუსით. ეს საზომი ნუტრიციოლოგიაში გამოიყენება იმ ენერგიის რაოდენობის გამოსათვლელად, რომელიც საკვებიდან მიეწოდება ორგანიზმს.) დაწყებული სუნთქვიდან დამთავრებული ორგანოების მუშაობით. ის თუ რამდენ კალორიას მოიხმარს ჩვენი ორგანიზმი დამოკიდებულია ასაკზე, სქესზე, წონასა და სიმაღლეზე, სხეულის კომპოზიციაზე, კუნთოვანი მასისა და ცხიმოვანი ქსოვილის შეფარდებაზე, ფიზიკური აქტივობის დონეზე.
თუ ჩვენი მიზანი წონის კლება და ცხიმის წვაა, საჭიროა მივიღოთ იმაზე ნაკლები კალორია ვიდრე დღის განმავლობაში ვხარჯავთ. თუ ჩვენი მიზანი წონის შენარჩუნებაა, საჭიროა იმდენივე კალორია მივიღოთ რასაც ვხარჯავთ, თუ ჩვენი მიზანი წონის მომატებაა საჭიროა იმაზე მეტი კალორია მივიღოთ რასაც ვხარჯავთ.
თუ არ იღებ შენი მიზნის შესაბამის კალორიას, არ აქვს მნიშვნელობა რამდენ საათს ატარებ ფიტნეს დარბაზში, საკმაოდ რთული იქნება სასურველი შედეგის დანახვა.
იმის გამო რომ კალორიების დათვლა საკმაოდ რთული პროცესია მე ვიყენებ უფრო გამარტივებულ ხერხს.
დღის განმავლობაში 3-4 ჭამა, თითო ჭამაზე მიიღეთ ქვევით მოცემული საკვების რაოდენობა, ამისათვის კი ხელით გაზომვის მეთოდი გამოიყენეთ. (მამაკაცებისთვის გაორმაგებული რაოდნეობა).
ცილა
მაგალითად: თევზი, საქონლის ხორცი, ლობიო, კვერცხი.
ბოსტნეული
მაგალითად: ისპანახი, სტაფილო, ყვავილოვანი კომბოსტო, პომიდორი.
ნახშირწყალი
მაგალითად: წიწიბურა, ტკბილი კარტოფილი, ბრინჯი, ჟოლო.
ცხიმი
მაგალითად: ზეითუნის ზეთი, ნიგოზი, ავოკადო, ნუში. (დაახლოებით ცერა თითის ზომა)
რატომ არის კარგი გამოიყენოთ ხელით გაზომვის მეთოდი:
- ბერვად უფრო მარტივია ვიდრე კალორიების დათვლა
- შეგიძლია ყველგან, ნებისმიერ სიტუაციაში გამოიყენო
- ხელის გული ყოვლთვის მოგცემს ერთი და იგივე რაოდენობას, რაც მნიშვნელოვანია შენი მიზნის მიღწევისთვის
- ხელი არის პროპორციული ჩვენი სხეულის ამიტომ გვაძლევს იმ რაოდენობას რაც ჩვენი აღნაგობისთვის არის საჭირო (გამონაკლისი შემთხვევების გარდა)
- ხელის საზომი უზრუნველყოფს ადამიაებმა საჭირო რაოდენობით მიიღონ ცილები, ცხიმები, ნახშირწყლები, ბოსტნეული და კალორიები გრამების დათვლის და გართულებების გარეშე.
ვარჯიშის და კვების გარდა ასევე მნიშვნელოვანია:
- დღე ღამეში საშუალოდ 8 საათი ძილი
- წყლის ბალანსი
- სიმშვიდე
- საკუთარი თავის სიყვარული
- პოზიტიური ფიქრები
ნინი გოგუაძე (ნინიკუშკა)
