საჭირო ინგრედიენტები:
- ღორის სუკი - 4 ც
- წითელი ხახვი - 1 თავი
- სალბის ფოთლები - 4 სკ
- როზმარინი - 4 სკ
- ნიორი - 6 კბილი
- ქიშმიში - 100 გ
- ლიმონი - 2 ც
- თეთრი მშრალი ღვინო - 200 მლ
- საფანელი - 6 სკ
- თხილი - 100 გ
- კარაქი - 2 სკ
- ძმარი - 2 სკ
- ზეთი - 6 სკ
- პილპილი - 1 ჩკ
- მარილი - 1 სკ
გარნირისთვის:
ყვავილოვანი კომბოსტოს პიურე
- ყვავილოვანი კომბოსტო - 1 თავი
- მარცვლოვანი მდოგვი - 5 სკ
- პილპილი - 0.5 ჩკ
- ნაღები 35% - 200 გ
- მარილი - 1 ჩკ
ბარდის და შაშხის თბილი სალათა
- "ნიკორას“ შაშხი - 500 გ
- ბარდა - 500 გ
- ზეთი - 4 სკ
- პილპილი
- მარილი
სოუსისთვის:
ადესის სოუსი
- წითელი ხახვი - 1 თავი
- ნიორი - 3 კბილი
- ძმარი - 100 მლ
- ადესის წვენი - 500.00 მლ
- პილპილი - 1 ჩკ
- კარაქი - 50 გ
კარალიოკის ტკბილ-ცხარე ჯემი
- კარალიოკი - 5 ც
- შაქარი - 5 სკ
- ლიმონის წვენი - 5 სკ
- თეთრი მშრალი ღვინო - 100 მლ
- დაღერღილი წიწაკა - 1 სკ
- დარიჩინი - 0.25 ჩკ
- მიხაკი
მომზადების წესი:
1.
ღორის სუკი უნდა დავჭრათ თხელ ფენებად და გადავაბათ ერთმანეთს. მსუბუქად დავსეროთ. მოვაყაროთ მარილი, ცოტა ძმარი და ზეთი მოვასხათ, კარგად გადავზილოთ, რომ გემოები გაუჯდეს.
ტაფაზე მოვთუშოთ ხახვი, ნიორი, ხმელი სალბის ფოთლები, როზმარინი, ქიშმიში, მოხალული თხილი, თეთრი მშრალი ღვინო. დავაყაროთ მარილი, ლიმონის ცედრა და მოვაყაროთ საფანელი. ბოლოს დავუმატოთ კარაქი. ეს მასა გადავიტანოთ ღორის ხორცის ზედაპირზე, გადავანაწილოთ კარგად, გადავახვიოთ რულეტივით და სქელი ძაფით გადავკოჭოთ. გარედან მოვაყაროთ მარილი, წავუსვათ ზეთი და გამოვაცხოთ ღუმელში 220 გრადუსზე 20 წუთით, შემდეგ 180 გრადუსზე 40 წუთით.
2.
ყვავილოვანი კომბოსტო დავჭრათ და ჩავყაროთ ადუღებულ მარილიან წყალში. დაახლოებით 10 წუთში გადმოვიღოთ და დავაბლენდეროთ მაღალცხიმიან ნაღებთან და მარცვლოვან მდოგვთან ერთად. შევაზავოთ მარილით. თუ ნაღები საკმარისად ცხიმიანი არ არის, დავამატოთ კარაქიც.
3.
ტაფაზე დავასხათ ცოტა ზეთი. შაშხი პატარა კუბებად დავჭრათ. რომ დაიბრაწება და თავის ცხიმს გაუშვებს, დავაყაროთ გაყინული ბარდა და ერთად დავბრაწოთ. შევაწავოთ მარილითა და პილპილით.
4.
ქვაბში ზეთში მოთუშეთ წითელი ხახვი, დაუმატეთ ნიორი. რომ მოითუშება, დაუმატეთ ადესის წვენი და ძმარი. შევაზავოთ მარილითა და პილპილით. უნდა ვადუღოთ, დავაბლენდეროთ და შემდეგ კვლავ ცეცხლზე დავაბრუნოთ. ბოლოს დავუმატოთ კარაქი.
5.
კარალიოკი დაჭერით, მოაყარეთ შაქარი, სულ ცოტა მარილი. ხშირად ურიეთ. მალევე მოასხით ლიმონის წვენი და ღვინო. ისევ ურიეთ. ფერს რომ შეიცვლის და ღვინოც დაშრება, მოაყარეთ წიწაკა, მიხაკი და დარიჩინი.
