საჭირო ინგრედიენტები:
- ფქვილი
- კვერცხი
- რძე
- შაშხი ან მოხარშული ძეხვი
- არაჟანი
- ყველი
- მარილი, ზეთი
მომზადების წესი:
კარგად ათქვიფეთ კვერცხი (1 ცალი), დაამატეთ რძე (200მლ), მარილი და ზეთი (1/2 ჩ/კ). თანდათან დაამატეთ ფქვილი (100გ). კვლავ კარგად ათქვიფეთ.
დაბალ ცეცხლზე დადგით ცხიმწასმული ტაფა. მოათავსეთ მანამდე მომზადებული ცომის მასა. გამოაცხვეთ ორივე მხრიდან.
უკვე მომზადებულ კრეპებზე მოათავსეთ დაჭრილი შაშხი ან მოხარშული ძეხვი, დაუმატეთ არაჟანი (გემოვნების შესაბამისად) და გადაკეცეთ სამკუთხედებად.ზემოდან მოაყარეთ გახეხილი ყველი და გემრიელად მიირთვით.
